120. fundur Heilbrigðisnefndar Suðurlands haldinn fimmtudaginn 20. ágúst 2009, kl. 13.00 að Austurvegi 56, Selfossi.

Mætt: Jón Ó. Vilhjálmsson, Viktor Pálsson, Gunnar Þorkelsson, Sigurður Ingi Jóhannsson, Guðmundur Geir Gunnarsson, Ragnhildur Hjartardóttir og Elsa Ingjaldsdóttir. Undir 1. lið á dagskrá voru auk þess Ólafur Áki Ragnarsson, sveitarstjóri Ölfusi, Birna Guðbjörnsdóttir, VSÓ og Birgir Þórðarson, heilbrigðisfulltrúi. Pétur Skarphéðinsson boðaði forföll.

1) Lýsi – staða mála.

Lögð fram minnisblöð varðandi eftirlit í Þorlákshöfn vegna lyktarmengunar. Auk þess lögð fram skýrsla unnin af VSÓ, varðandi úttekt hjá Lýsi hf. –þurrkun, í Þorlákshöfn.

Birna Guðbjörnsdóttir VSÓ Ráðgjöf, greindi frá innihaldi skýrslunnar og Birgir Þórðarson greindi frá eftirlitinu, sýndi myndir úr því og fór yfir einstök atriði.

Almennar umræður urðu um málið og tóku allir fundarmenn til máls. Aðilar sammála um nauðsyn þess að ljúka málinu á farsælan hátt fyrir alla aðila.

Heilbrigðisnefnd Suðurlands og Ólafur Áki, f.h. Sveitarfélagsins Ölfuss samþykkja að koma á fót vinnuhópi í samræmi við umræðu á fundinum til að koma með tillögur að framtíðarlausn málsins. Í vinnuhópinn verði skipað frá sveitarfélaginu, Heilbrigðiseftirliti Suðurlands og Lýsi.

2) Starfsleyfi til kynningar og afgreiðslu.

a) Ný og endurnýjuð

Nr.	Nafn	Póstfang	Starfsleyfi
1	Bifreiðaverkstæði Muggs	900 Vestmannaey.	Endurnýjun
2	Gistiheimilið Trix – Illugag.6	900 Vestmannaey.	Nýtt leyfi
3	Hrunamannahreppur v/Fjallaskálinn Fosslækur	845 Flúðir	Nýtt leyfi
4	Hrunamannahreppur v/Fjallaskálinn Helgaskáli	845 Flúðir	Nýtt leyfi
5	Hrunamannahreppur v/Fjallaskálinn Leppistungur, Hvítárdal	845 Flúðir	Nýtt leyfi
6	Hrunamannahreppur v/Fjallaskálinn Svínárnesskáli	845 Flúðir	Nýtt leyfi
7	Nautilus Ísland ehf v/ Hellu	850 Hella	Nýtt leyfi
8	Rangárbakkar Hestamiðstöð Suðurlands ehf	850 Hella	Endurnýjun
9	Verslunin Ós	815 Þorlákshöfn	Endurnýjun
10	Bandalag íslenskra skáta – skátamót	801 Selfossi	Tímabundið
11	Garðyrkjustöðin Stöllum, bændamarkaður	801 Selfossi	Nýtt leyfi
12	Vala, matvöruverslun	801 Selfossi	Endurnýjun
13	Kaffi Langbrók + Tjaldsvæði Langbrókar	861 Hvolsvelli	Endurnýjun
14	Bændamarkaðurinn Reykholti – Sigurjón Sæland	801 Selfossi	Nýtt leyfi
15	Tjaldsvæðið Reykholti – Steinka Bjarna ehf	801 Selfossi	Nýtt leyfi
16	Gistiheimili Suðurlands, Stokkseyri- Verslunarsambandið í Rvk ehf	105 Reykjavík	Nýtt leyfi
17	Hólaskjól – Veiðifélag Skaftártungumanna	880 Kirkjubæjarkl.	Eigendaskipti
18	Hrífunes samkomuhús – Hadda Björk Gísladóttir	880 Kirkjubæjarkl.	Nýtt leyfi
19	Ferðaþjónustan Ásólfsskála	861 Hvolsvelli	Endurnýjun
20	Hvítasunnukirkjan Selfossi – Kaffi líf	800 Selfoss	Nýtt leyfi
21	Árborg v/landmótunar	820 Stokkseyri	Nýtt leyfi
22	Verslunin Árborg	801 Selfossi	Endurnýjun
23	A.K. flutningar ehf – sorphirða	815 Þorlákshöfn	Endurnýjun
24	Grímsnes- og Grafningshreppur v/Fráveituvirkis	801 Selfossi	Nýtt leyfi
26	Vatnsból Þúfu, Rang. ytra	851 Hella	Endurnýjun
27	Iceland Global Water ehf -Vm	900 Vestmannaey.	Nýtt leyfi
28	Mýrdalshreppur v/ Íþróttamiðstöðvar	870 Vík	Endurn – br. á leyfi
29	Tjaldmiðstöðin Flúðum -Trog ehf	845 Flúðir	Endurnýjun
30	Ágústa Guðnadóttir snyrtistofa	900 Vestmannaey.	Endurnýjun
31	Bílaverkst.Harðar og Matta ehf	900 Vestmannaey.	Endurnýjun
32	Gæðabón	900 Vestmannaey.	Nýtt leyfi
34	Gallery Gónhóll – Stafnhús ehf	820 Eyrarbakki	Br. á starfsemi
35	Hársnyrtistofa Ars	815 Þorlákshöfn	Endurnýjun
36	Hestaleigan Kerlingardal	870 Vík	Nýtt leyfi
37	Rangárþing eystra v/tjaldsvæði Skógum	861 Hvolsvelli	Endurnýjun
38	Tjaldsvæðið Laugarvatni – Sólstaðir ehf	840 Laugarvatni	Nýtt leyfi
41	HS veitur hf v/ Vatnsveitu í VM	900 Vestmannaey.	Eigendaskipti
42	Vatnsveita Stóra-Hofi – Fagfélagið	105 Reykjavík	Nýtt leyfi
43	Zentral Pizza	815 Þorlákshöfn	Br. á húsnæði
44	Loðdýrabú Túni	801 Selfossi	Nýtt leyfi
45	Miðstöðin ehf	900 Vestmannaey.	Endurnýjun
46	Sumarhús Pétursey – Bergur Elíasson	871 Vík	Nýtt leyfi
49	Veitingastofan Útlaginn, Flúðum	845 Flúðir	Endurnýjun
53	HS veitur hf v/dreifikerfi rafmagns á Árborgarsvæðinu	800 Selfoss	Eigendaskipti
55	Þjónustumiðstöðin Þingvöllum	801 Selfossi	Endurnýjun
60	Barnaskóli Vestmannaeyja	900 Vestmannaey.	Endurnýjun
61	Gaulverjar ehf (Gaulverjaskóla)	801 Selfossi	Nýtt leyfi
62	Hamarsskóli	900 Vestmannaey.	Endurnýjun
63	Réttargeðdeildin Sogni	815 Þorlákshöfn	Eigendaskipti
64	Kornblómið	801 Selfossi	Nýtt leyfi
65	Rangárhöllin – Töðugjöld	850 Hella	Tímabundið
66	Grænjaxlarnir ehf	801 Selfossi	Br. á starfsemi
67	Geilar – Veiðihús Grenlæk	880 Kirkjubæjarkl.	Nýtt leyfi
68	Fossi ehf	845 Flúðir	Endurnýjun
69	Verslunarsamband í Reykjavík v/Kaffihús	825 Stokkseyri	Nýtt leyfi
70	Veiðihús ehf – Rangárþing ytra	851 Hella	Endurnýjun
71	Grænt og grillað	800 Selfoss	Nýtt leyfi
72	Selvogsgata ehf – tjaldsvæði	801 Selfossi	Nýtt leyfi
73	Árborg v/nýs gámasvæðis	800 Selfoss	Nýtt leyfi

Öll starfsleyfin samþykkt nema nr. 4, 5, 69 og 70 samþykkt með fyrirvara um jákvæða úttekt heilbrigðisfulltrúa. Umsóknir nr. 18, 71 og 72 einnig samþykktar með fyrirvara um jákvæða afgreiðslu bygginganefndar. Afgreiðslu á umsókn nr. 73 frestað þar til eftir lögbundinn auglýsingatíma.

b) Reykjabúið – starfsleyfisútgáfa eftir auglýsingu og athugasemdir.

Lögð fram endurskoðuð starfsleyfisskilyrði fyrir Reykjabúið hf. vegna alifuglabúa að Bakka, Hjalla, Lambhaga og Auðsholti, Ölfusi og Helludal í Bláskógabyggð. Ennfremur lögð fram drög að svari til Lögmann Suðurlandi sem svarbréf við innsendum athugasemdum frá Sveitarfélaginu Ölfusi.

Heilbrigðisnefnd Suðurlands samþykkir að gefa út starfsleyfi til handa Reykjabúinu á grundvelli framlagðra gagna og felur framkvæmdastjóra að ganga frá málinu.

c) Tóbakssöluleyfi

Nr.	Nafn	Póstfang	Tóbakssöluleyfi
1	Verslunin Ós	815 Hella	Endurnýjun
2	Vala, matvöruverslun	801 Selfoss	Endurnýjun
3	Verslunin Árborg	801 Selfoss	Endurnýjun
4	Selvogsgata ehf. – pylsuvagn	801 Selfoss	Endurnýjun

Lagt fram til upplýsinga.

3) Samþykkt um fráveitu.

a) Lögð fram samþykkt um fráveitur og rotþrær í Hrunamannahreppi samþykkt í sveitarstjórn 12. ágúst sl. – Samþykktin samþykkt án athugasemda

b) Lögð fram gjaldskrá fráveitugjalda í Hrunamannhreppi samþykkt í sveitarstjórn 12. ágúst sl. – Gjaldskráin samþykkt með athugasemd um að tilvísun í viðeigandi samþykkt (með nr. hennar eða dags.) verði sett inn í hana.

4) Gangur eftirlits.

Elsa Ingjaldsdóttir fór yfir rekstaryfirlit HES frá áramótum og greindi frá gangi reglubundins eftirlits frá síðasta fundi.

5) Bruni Valhöll.

Lagt fram bréf HES, dags. 14. ágúst til opinberra aðila og annarra sem höfðu aðkomu að Valhallarbrunanum. Byggir bréfið á 6. grein aðgerðaráætlunar um verndun Þingvallavatns þar sem fram kemur að HES skuli gera skýrslu um atburð sem veldur hugsanlegri mengun.

Elsa Ingjaldsdóttir fór yfir málið og aðkomu embættisins. Kom fram að HES hefði boðað til fundar eigendur, slökkvilið, fulltrúa sveitarfélagsins og fleiri aðila sem aðkomu áttu að málinu. Fundurinn var til upplýsingagjafar milli þessara aðila auk þess að hnykkja á verkssviði hvers og eins. Þrátt fyrir það var hafinn frágangur á svæðinu áður en HES gat staðfest að hreinsun vegna brunans væri fullnægjandi.

Heilbrigðisnefnd Suðurlands lýsir yfir vonbrigðum með að ekki var kallað eftir slíkri staðfestingu áður en til frágangs svæðisins kom. Ábyrgð á mögulegri mengun í framtíðinni vegna óviðunandi hreinsunar brunarústa, mun því verða hjá viðkomandi aðilum sem heimiluðu frágang.

6) Úrskurður v/húsnæðisúttektar.

Lagður fram úrskurður úrskurðarnefndar um hollustuhætti og mengunarvarnir, dags.

15. júní sl. þar sem kæru Erlings Ellingsens á umsögn HES v/húsnæðisúttektar, er vísað frá. Til upplýsinga.

7) Úrskurður v/Hallarinnar.

Lagður fram úrskurður úrskurðarnefndar um hollustuhætti og mengunarvarnir, dags.

15. júní sl. þar sem kæru Friðbjörns Ó. Valtýssonar á ákvörðun Heilbrigðisnefndar Suðurlands um útgáfu starfsleyfis til handa Höllinni – Millet ehf.,er vísað frá. Ennfremur lagður fram tölvupóstur stílaður á Heilbrigðisnefnd Suðurlands, frá Friðbirni, dags.

22. júní sl. ásamt svari Heilbrigðiseftirliti Suðurlands, dags. 29. júní þar sem upplýst er staða málsins.

Elsa Ingjaldsdóttir upplýsti nefndina frekar um málið en kæru Friðbjörns var vísað frá úrskurðarnefndinni. Í tölvupósti sínum óskar Friðbjörn eftir skriflegu svari frá nefndinni.

Í ljósi þess að Umhverfisráðuneytið hefur farið fram á að úrskurðarnefndin taki málið til efnislegrar meðferðar, og þeirra tafa sem orðið hafa á málinu, beinir Heilbrigðisnefnd Suðurlands þeim eindregnu tilmælum til úrskurðarnefndarinnar að málinu verði hraðað, óski kærandi að kæra það að nýju. Í bréfi frá Umhverfisráðuneyti til Friðbjörns Valtýssonar, dags. 2. júlí er upplýst um stöðu málsins og viðkomandi bent á heimild til að óska eftir endurupptöku málsins við úrskurðarnefndina. Í bréfi Umhverfisráðuneytisins koma fram umbeðnar upplýsingar auk þess sem það er áréttað í bréfi ráðuneytisins til úrskurðarnefndar að taka upp málið að nýju. Ef kærandi vill fyrirtöku málsins að nýju beinir Heilbrigðisnefnd Suðurlands þeim tilmælum til kæranda að fara fram á slíkt við úrskurðarnefndina, hafi það ekki verið gert nú þegar.

8) Neysluvatnsmál.

Elsa Ingjaldsdóttir greindi frá skorti á neysluvatni við vatnsveitu Flóa og tengingu Urriðafosslindar inn á dreifikerfið til að bregðast við vatnsskorti. Einnig lagðir fram minnispunktar HES um sama mál. Til upplýsinga.

9) Krafa um rýmingu á íbúðarhúsnæði.

Lagt fram bréf HES, dags. 16. júní sl. þar sem farið er fram á rýmingu húsnæðis vegna ástands þess.

10) Merking matvæla.

Lagt fram til upplýsinga bréf HES, dags. 10. ágúst sl. varðandi kröfur um úrbætur á merkingum matvæla hjá Glæði ehf.

11) Önnur mál.

a) Tjónaskoðun matvæla.

Lagt fram til upplýsinga bréf MAST, dags. 14. júlí sl. um tjónaskoðun á fiski frá Grími kokk auk tölvupósts HES til Frumherja og Sjóvá og svar Frumherja um sama mál. Elsa greindi frekar frá málinu.

b) Mælingar á hávaða frá flugumferð.

Lagt fram bréf HES, dags. 29. júní sl. til Flugklúbbs Selfoss með upplýsingum um mælingar sem gerðar voru vegna flugumferðar en mælingar voru undir viðmiðunarmörkum fyrir hávaða frá flugumferð. Elsa greindi frekar frá málinu.

c) Fækkun sýna á neysluvatni.

Lagt fram bréf HES, dags. 2. júlí sl. til MAST vegna beiðni um fækkun sýna á neysluvatni vegna heildarúttekt. Til upplýsinga.

Fleira ekki gert og fundi slitið kl. 15.10

Jón Ó. Vilhjálmsson
Viktor Pálsson
Sigurður Ingi Jóhannsson
Gunnar Þorkelsson
Guðmundur Geir Gunnarsson
Ragnhildur Hjartardóttir
Elsa Ingjaldsdóttir