91. fundur Heilbrigðisnefndar Suðurlands haldinn þriðjudaginn, 3. október 2006 að Austurvegi 56, Selfossi.

Mætt: Jón Ó. Vilhjálmsson, Gunnar Þorkelsson, Pétur Skarphéðinsson, Ragnhildur Hjartardóttir, Sigurður Ingi Jóhannsson, Viktor Pálsson, Guðmundur Geir Gunnarsson og Elsa Ingjaldsdóttir.

1) Starfsleyfi til kynningar og afgreiðslu

a) Starfsleyfi

Starfsleyfin samþykkt nema nr. 25 er afgreitt með fyrirvara þar til útttekt byggingafulltrúa og brunavarna á húsnæðinu. Ennfremur er starfsleyfi nr. 21 frestað þar til fullnægjandi niðurstöður á vatni liggja fyrir.

b) Tóbakssöluleyfi

Til upplýsinga

c) Samræmd starfsleyfisskilyrði.

i) Fyrir leiksvæði barna með eða án gæslu

ii) Fyrir samgöngumiðstöðvar

iii) Fyrir tannlæknastofur

iv) Fyrir verslunar- og þjónustumiðstöðvar

Samþykkt að nota starfsleyfisskilyrði nr. ii-iv en fresta afgreiðslu á starfsleyfisskilyrðum nr i) þar til lagfæringar hafa verið gerðar.

2) Skipulagsmál.

a) Tillögur um matsáætlanir vegna jarðgufuvirkjana á Ölkelduhálsi og Hverahlíð

Lögð fram til upplýsinga 2 bréf HES, dags. 27. september sl. sem svarbréf við framlögðum tillögum að matsáætlunum fyrir jarðgufuvirkjun við Hverahlíð og Ölkelduháls, Ölfusi.

Heilbrigðisnefnd Suðurlands lýsir yfir vilja til að fá forsvarsmenn virkjanaframkvæmda á Hellisheiði á fund sinn til nánari upplýsinga varðandi framtíðaráform og nýtingu fyrirtækisins á svæðinu.

3) Gangur eftirlits.

a) Rekstraryfirlit

Lagður fram rekstrarreikningur HES til 20. september þ.árs. Elsa Ingjaldsdóttir fór yfir helstu liði og er reksturinn samhljóma fjárhagsáætlun ársins.

b) Reglubundið eftirlit og málaskrá

Lagðar fram upplýsingar um reglubundið eftirlit og málaskrá starfsmanna. Kom fram að þó nokkuð er eftir af eftirliti með fyrirtækjum á þessu ári en það mun að öllum líkindum nást á næstu mánuðum.

c) Þvingunaraðgerðir

Lögð fram tvö bréf HES dags. 1. og 22. september sl. til tveggja fyrirtækja er varða þvingunaraðgerðir. Elsa upplýsti nefndina nánar um stöðu mála.

d) Eiturefnaslys Hellisheiði

Lagðir fram minnispunktar BÞ um eiturefnaslys sem varð við virkjun Orkuveitu Reykjavíkur, Hellisheiði, 28. september sl.

4) Annað

Formanni falið að upplýsa bæjarstjóra Ölfus um ákvarðanatöku Heilbrigðisnefndar Suðurlands varðandi málefni Lýsis.

Fleira ekki gert og fundi slitið kl. 14:25

Jón Ó. Vilhjálmsson
Pétur Skarphéðinsson

Sigurður Ingi Jóhannsson
Viktor Pálsson

Ragnhildur Hjartardóttir
Gunnar Þorkelsson

Guðmundur Geir Gunnarsson
Elsa Ingjaldsdóttir