89. fundur Heilbrigðisnefndar Suðurlands haldinn miðvikudaginn 6. september, kl. 18.30 að Hótel Örk Hveragerði

Mætt: Jón Ó. Vilhjálmsson, Gunnar Þorkelsson, Guðmundur Elíasson, Elín Björg Jónsdóttir, Pétur Skarphéðinsson, Elsa Ingjaldsdóttir, Birgir Þórðarson, María Guðnadóttir, Rut Áslaugsdóttir og Sigrún Guðmundsdóttir

Margrét Einarsdóttir og Bergur E. Ágústsson boðuðu forföll.

1. Starfsleyfi til kynningar og afgreiðslu

a. Starfsleyfi

Nr.	Nafn	Póstfang	Starfsleyfi
1	Sunnlenska bókakaffið	800 Selfoss	Ný starfsemi
2	Vatnsból Félagsbúið Fagurhlíð, Skaftárhreppi	880 Kirkjubæjarkl.	Ný starfsemi
3	Vatnsból Herjólfsstöðum, Skaftárhreppi	880 Kirkjubæjarkl.	Ný starfsemi
4	Verndaður vinnustaður	800 Selfoss	Endurnýjun
5	Bílamálun Agnars hf	800 Selfoss	Endurnýjun
6	Vatnsból Hæli I, Skeiða- og Gnúpverjahr.	801 Selfoss	Ný starfsemi
7	Vatnsból Laxárdal, Skeiða- og Gnúpverjahr.	801 Selfoss	Ný starfsemi
8	Vatnsból Skáldabúðum, Skeiða- og Gnúpv.hr.	801 Selfoss	Ný starfsemi
9	Hótel Hvolsvöllur – Hörganes ehf	860 Hvolsvöllur	Eigendaskipti
10	Reykhúsið Útey	840 Laugarvatn	Endurnýjun
11	Ísplöntur	801 Selfoss	Br.á húsnæði
12	Lanterna (Fagstofan ehf) – tímab. starfsemi	900 Vestm.eyjar	Tímabundið
13	Farfuglaheimilið Fljótsdal	861 Hvolsvöllur	Endurnýjun
14	Ferðaþjónusta Bænda, Seli	801 Selfoss	Endurnýjun
15	Hamrar hf. Plastiðnaður	810 Hveragerði	Endurnýjun
16	Sláturfélag Suðurlands Fossnesi	800 Selfoss	Endurnýjun
17	Vegagerðin Selfossi	800 Selfoss	Endurnýjun
18	Verslunin Borg	801 Selfoss	Endurnýjun
19	Straumhvarf ehf. Drumboddsstöðum	801 Selfoss	Eigendaskipti
20	Leikskólinn Bergheimar	815 Þorlákshöfn	Endurnýjun
21	Sundlaugin Öndverðanesi	801 Selfoss	Endurnýjun
22	Leikskólinn Laugalandi	851 Hella	Endurnýjun
23	Versalir samkomusalur	815 Þorlákshöfn	Endurnýjun
24	Íþróttamiðstöð og sundlaug	815 Þorlákshöfn	Endurnýjun
25	Krás ehf.	800 Selfoss	Endurnýjun
26	Lyf og heilsa	800 Selfoss	Endurnýjun
27	Gistiheimilið Sólbakki	800 Selfoss	Endurnýjun
28	Ferðaþjónustan Austvaðsholti	851 Hella	Endurnýjun
29	Hafnarnes hf.	815 Þorlákshöfn	Endurnýjun
30	Laugalandsskóli sundlaug, íþr.hús	851 Hella	Endurnýjun
31	Efri-Vík, ferðaþjónusta	880 Kirkjubæjarkl.	Endurnýjun
32	Lyf og heilsa	850 Hella	Endurnýjun
33	Orkuveita Reykjavíkur v/Hellisheiðarvirkjunar	801 Selfoss	Ný starfsemi

Öll starfsleyfin voru samþykkt án athugasemda nema nr. 1 var samþykkt með fyrirvara um jákvæða lokaúttekt heilbrigðisfulltrúa. Starfsleyfi nr. 33 er lagt fram ásamt starfsleyfisskilyrðum sem þarfnast auglýsingar og frests í 4 vikur til að skila inn athugasemdum. Nefndin samþykkir að starfsleyfisskilyrðin fari í lögbundið auglýsingaferli til kynningar.

b. Tóbakssöluleyfi

Nr.	Nafn	Póstfang
1	Lanterna	900 Vestm.eyjar	Tímabundið

Lagt fram til kynningar.

2. Reglugerð um framkvæmd verndunar vatnasviðs og lífríks Þingvallavatns og drög að verklagsreglum skv. henni

Lögð fram til kynningar reglugerð nr. 650/2006 um framkvæmd verndunar vatnasviðs og lífríkis Þingvallavatns ásamt drögum að verklagsreglum um fráveitur.

Eftirfarandi bókað:

”Heilbrigðisnefnd Suðurlands felur starfsmönnum að leggja fram aðgerðaráætlun skv. 20. grein reglugerðarinnar fyrir næsta fund nefndarinnar.”

3. Einföldun eftirlits og leyfisveitingar ( bréf frá UST ásamt svarbréfum HES og Skýrsla um einföldun gerð fyrir UMHVR).

Lögð fram til upplýsinga 3 bréf frá Umhverfisstofnun dags. 30. júní, 24. og 28. júlí sl. ásamt svarbréfum Heilbrigðiseftirlit Suðurlands dags. 17. og 29. ágúst sl.

Almennar umræður urðu um mögulega einföldun á eftirliti.

4. Heilbrigðisstofnun Suðurlands, Selfossi – Lagt fram til upplýsinga bréf Heilbrigðiseftirlits Suðurlands dags. 19. júlí sl. varðandi eftirlit við Heilbrigðisstofnun Selfoss.

5. Málefni aðalfundar

Skýrsla framkvæmdastjóra á aðalfundi ofl.

Elsa Ingjaldsdóttir gerði grein fyrir efnistökum í skýrslu sinni og lagði fram ”handout” úr erindi. Farið yfir atriði á aðalfundi HES á morgun.

6. Málefni Lýsis hf.

Lagt fram bréf Lýsis hf. dags. 9. ágúst sl. varðandi afgreiðslu starfsleyfis.

Inn á fund nefndarinnar kom fyrst bæjarstjóri Ölfuss ásamt oddvita sveitarstjórnar Ölfuss til að skýra sjónarmið sveitarfélagsins; að það sætti sig ekki við að fyrirtækið fái lengri frest en 6 mánuði til að gera úrbætur, þolinmæði íbúanna sé þrotin gagnvart lyktarmengun frá fyrirtækinu. Fyrirtækinu hefur verið úthlutað lóð fyrir starfsemina í Keflavík sem er staðsett nokkru vestan við íbúabyggðina í Þorlákshöfn í júní sl.

Þá komu inn á fundinn forsvarsmenn Lýsis til að skýra sjónarmið sitt. Forsvarsmenn Lýsis dreifðu upplýsingum á prenti varðandi samskipti fyrirtækisins við sveitarfélagið og gerðu grein fyrir þeim. Þá afhentu forsvarsmenn Lýsis upplýsingum um úttekt Rannsóknastofu Fiskiðnaðarins á starfseminni, þar sem engar athugasemdir eru gerðar við hreinsunarbúnað. Fram kom að fyrirtækið þarf átján mánuði til að reisa nýja verksmiðju. Undir þessum lið sat Sigurður Örn Guðleifsson, lögfræðingur Umhverfisstofnunar, sem lögfræðilegur ráðgjafi nefndarinnar.

Eftirfarandi bókað:

”Eftir að hafa skoðað öll málsatvik og farið yfir gögn málsins varðandi starfsleyfisumsókn Lýsis hf. Í Þorlákshöfn telur Heilbrigðisnefnd Suðurlands lögformlega rétt að veita starfseminni starfsleyfi til 18 mánaða enda verði fyrirtækinu sett ítarleg skilyrði og meðal annars farið fram á að settir verði upp þvottaturnar sem hluti mengunarvarna fiskþurrkunarverksmiðju og önnur tæknileg útfærsla til að ná settum skilyrðum. Slíkum skilyrðum er ætlað að uppfylla kröfur í lögum nr. 7/1998 og reglugerðum settum samkvæmt þeim, þar á meðal ákvæði í reglugerð 787/1998 um loftgæði um að lykt valdi ekki óþægindum í nánasta umhverfi verksmiðjunnar. Er starfsmönnum Heilbrigðiseftirlits Suðurlands falið að leggja fram ítarleg starfsleyfisskilyrði fyrir næsta fund nefndarinnar. “

Lögð fram sérstök bókun frá Elínu Björgu Jónsdóttir:

”Undirrituð getur ekki tekið undir bókun nefndarinnar”

7. Önnur mál

Þar sem þetta er síðasti fundur heilbrigðisnefndar þetta kjörtímabil þakkar formaður nefndarfólki og starfsfólki HES kærlega fyrir frábært samstarf og góða samstöðu gegnum allt starf nefndarinnar.

Fundarmenn þökkuðu formanni og óskuðu honum hins sama.

Fleira ekki gert og fundi slitið kl. 21:40

Jón Ó. Vilhjálmsson Elín Björg Jónsdóttir Guðmundur Elíasson

Elsa Ingjaldsdóttir Pétur Skarphéðinsson Gunnar Þorkelsson

Birgir Þórðarson María Berg Guðnadóttir Áslaug Rut Áslaugsdóttir

Sigrún Guðmundsdóttir