Nr.	Nafn	Póstfang	Starfsleyfi
1	Stafnhús ehf v/Gónhóll gallerí og kaffihús	820 Eyrarbakka	Ný starfsemi
2	Smáratún ehf	861 Hvolsvöllur	Br. á starfsley.
3	Stálsmiðjan ehf	101 Reykjavík	Ný starfsemi
4	Landlyst	900 Vestm.eyjar	Ný starfsemi
5	Rangárþ.ytra v/Félagsheimili/íþróttahús og tjaldsvæði Þykkvabæ	851 Hella	Br. á starfsleyfi
6	Edinborg – gisting	861 Hvolsvöllur	Eigendaskipti
7	Gistiheimilið Árný	900 Vestm.eyjar	Endurnýjun
8	Skeiða- og Gnúpv. v/félagsheimili Brautarholti	801 Selfoss	Breyting á starfsleyfi
9	Grímsnes- og Grafningshr v/ Félagsheim. Borg	801 Selfoss	Endurnýjun
10	Grímsnes- og Grafningshr v/Ljósaborgarskóli	801 Selfoss	Endurnýjun
11	Veiðihús ehf v/ Eystri Rangá	861 Hvolsvöllur	Endurnýjun
12	Viola snyrtistofa	845 Flúðir	Endurnýjun
13	Heklubyggð ehf	851 Hella	Ný starfsemi
14	Ferðafél. Útivist – fjallaskáli Básum, Þórsmörk	861 Hvolsvöllur	Endurnýjun
15	Reykjabúið ehf. Heiðarbæ 2, Þingvallasveit	801 Selfoss	Ný starfsemi
16	Hótel Gullfoss v/sumardvöl og ævintýraferðir	801 Selfoss	Ný starfsemi
17	Kynnisferðir ehf. v/fjallaskála Húsadal, Þórsmörk	861 Hvolsvöllur	Endurnýjun
18	Gulrótin ehf	801 Selfoss	Ný starfsemi

Öll starfsleyfin samþykkt nema nr. 1 er samþykkt með fyrirvara um jákvæða afgreiðslu bygginganefndar, starfleyfisumsókn nr. 13 samþykkt með fyrirvara um jákvæða úttekt heilbrigðisfulltrúa.

Í starfsleyfisumsókn nr. 4 er einungis sótt um frá 15. maí til 31. ágúst og er starfleyfið samþykkt með þann gildistíma sem sótt er um.

Starfsleyfisumsókn nr. 15 ekki tekinn til afgreiðslu sbr. ákvæði reglugerðar nr. 650/2006 og bréf Heilbrigðiseftirlits Suðurlands dags. 9. maí sl.

2) Samþykkt um hunda- og kattahald í Mýrdalshreppi.

Samþykkt án athugasemda.

3) Gangur eftirlits.

a) Rekstraryfirlit.

Lagt fram rekstaryfirlit Heilbrigðiseftirlits Suðurlands til upplýsinga.

b) Reglubundið eftirlit.

Elsa Ingjaldsdóttir gerði grein fyrir gangi reglubundins eftirlits og fór yfir stöðu mála. Kom fram að mörg verkefni væru framundan en sumarið er annatími í reglubundnu eftirliti.

c) Málaskrá.

Lögð fram málaskrá HES sundurliðuð eftir starfsmönnum, tegundum og yfirlit yfir lokin mál á árinu.

4) Lýsi hf.

Lagt fram bréf Heilbrigðiseftirlits Suðurlands dags. 9. maí sl. til Magnúsar Guðjónssonar sem svar við bréfi, dags. 8. maí sl., 3 bréf Guðrúnar Ágústsdóttur þar af eitt er varðar Ífex ehf., spurningar Guðmundar Oddgeirssonar, dags. 14. maí sl. auk tölvupósta sem borist hafa frá síðasta fundi nefndarinnar og yfirlits kvartana og annarra mála.

Ennfremur farið yfir upplýsingar lögmanns Sveitarfélagsins Ölfus, sbr. niðurstöðu fundar Heilbrigðisnefndar Suðurlands með bæjarstjórn.

Formaður fór yfir fund nefndarinnar með forsvarsmönnum Lýsis og fund með bæjarstjórn Ölfus sem haldnir voru 29. apríl sl. varðandi starfssvið Heilbrigðisnefndar. Almennar umræður urðu um málið. Ljóst er að lausn málsins fellst í samvinnu bæjarstjórnar og fyrirtækisins.

Frestur til að skila inn athugaemdum við auglýst starfsleyfisskilyrði er til 29. maí næstkomandi og mun ákvörðun um útgáfu starfsleyfis vera tekin á næsta fundi nefndarinnar. Heilbrigðisnefnd Suðurlands vill ítreka að áður innsendar athugasemdir verða teknar til umfjöllunar eftir 29. maí nk.

Framkvæmdastjóra falið í samráði við lögmann HES að fara yfir innsend erindi með sama hætti og áður, og svara þeim eftir því sem við á, þar til auglýstur frestur til að skila inn athugasemdum er liðinn.

5) Mat á umhverfisáhrifum – sólarkísill.

Lagt fram til upplýsinga bréf HES dags. 15. maí sl. ásamt tilkynningu til ákvörðunar um matsskyldu framkvæmda vegna framleiðslu á sólarkísil við Þorlákshöfn í Ölfusi, ásamt fylgiskjölum. Í bréfi HES kemur fram að embættið telur umrædda framkvæmd háða mati á umhverfisáhrifum.

6) Mat á umhverfisáhrifum – vatnsátöppunarverksmiðja.

Lagður fram til upplýsinga úrskurður umhverfisráðherra er varðar umhverfismat vegna vatnsátöppunarverksmiðju og vinnslu grunnvatns að Hlíðarenda í Ölfusi.

7) Orkuveita Reykjavíkur v/niðurrennslissvæðis.

Lagt fram bréf HES dags. 16. maí sl. er varðar losun affallsvatsn við Hellisheiðarvirkjun. Elsa Ingjaldsdóttir gerði frekari grein fyrir málinu.

8) Umsagnir HES vegna skipulagsmála á verndarsvæði Þingvallavatns.

Elsa Ingjaldsdóttir gerði grein fyrir málinu en fyrir liggja beiðnir um umsagnir er varða skipulagsmál við Þingvallavatn.

Heilbrigðisnefnd Suðurlands leggur áherslu á að framfylgt verði ákvæðum reglugerðar nr. 650/2006 um ítarlega hreinsun fráveitu og öflun leyfis/samþykkis heilbrigðiseftirlits hverju sinni. Þar með lágmörkuð mengunarhætta af völdum fráveitna við sumarhús á svæðinu.

9) Annað.

a) ESA heimsókn vegna rekjanleika matvöru.

Elsa Ingjaldsdótti greindi frá fyrirhugaðri ESA heimsókn 24. júní nk. varðandi rekjanleika kjötvara en Heilbrigðiseftirlit Suðurlands mun fara með fulltrúum ESA í eftirlti og úttekt.

b) Bréf HES dags. 13. maí til Kristínar Bjarnadóttur.

Lagt fram til upplýsinga bréf HES, dags. 13. maí sl. sem svar við bréfi Kristínar Bjarnadóttur varðandi Grænmetispökkun Suðurlands.

c) Starfsmannamál/sumarafleysingar.

Elsa Ingjalsdsdóttir greindi frá því að ekki hefði enn fengist í sumarafleysingar hjá embættinu. Ennfremur upplýst um sumarfrí starfsmanna sem nú liggur fyrir.

Næsti fundur ákveðinn föstudaginn 6. júní nk. 15.00

Fleira ekki gert og fundi slitið kl. 14.38

Jón Ó. Vilhjálmsson
Ragnhildur Hjartardóttir
Viktor Pálsson
Gunnar Þorkelsson
Pétur Skarphéðinsson
Elsa Ingjaldsdóttir
Sigurður Ingi Jóhannsson
Oddur Árnason