104. fundur Heilbrigðisnefndar Suðurlands haldinn þriðjudaginn

18. desember, kl. 13.00 að Austurvegi 56, Selfossi

Mætt: Jón Ó. Vilhjálmsson, Ragnhildur Hjartardóttir, Pétur Skarphéðinsson, Guðmundur Geir Gunnarsson, Viktor Pálsson og Elsa Ingjaldsdóttir.

Sigurður Ingi Jóhannsson og Gunnar Þorkelsson boðuðu forföll.

1) Starfsleyfi til kynningar og afgreiðslu

a) Starfsleyfi

Nr.	Nafn	Póstfang	Starfsleyfi
1	Skeiða- og Gnúpverjahr. v/Leikskólinn Leikholt	801 Selfoss	Br. á húsnæði
2	Svarti sauðurinn – Suðurhvoll ehf	815 Þorlákshöfn	Ný starfsemi
3	Loðdýrabúið Mön	800 Selfoss	Ný starfsemi
4	Loðdýrabúið Mön – Hraunbú	800 Selfoss	Ný starfsemi
5	Pylsuvagninn Selfossi	800 Selfoss	Endurnýjun
6	Kráin ehf	900 Vestm-eyjar	Ný starfsemi
7	Skálholtsstaður	800 Selfoss	Endurnýjun
8	Gróður ehf	845 Flúðir	Ný starfsemi
9	B.M.Vallá ehf- Límtré Flúðum	845 Flúðir	Eigendaskipti
10	B.M.Vallá ehf Reykholti	800 Selfoss	Eigendaskipti
11	Lyf og heilsa Selfossi – apotek og læknastofa	800 Selfoss	Endurnýjun
12	Osta- og mjólkurbúðin – Dalshvarf ehf	800 Selfoss	Eigendaskipti
13	Konungur dýranna – gæludýraverlsun/snyrtstofa	810 Hveragerði	Ný starfsemi
14	Nesey ehf	801 Selfoss	Ný starfsemi
15	RB íbúðagisting	900 Vestm-eyjar	Endurnýjun
16	Hestheimar	851 Hella	Eigendaskipti
17	Rjúpnavellir	851 Hella	Eigendaskipti
18	Gallerý Pizza ehf	860 Hvolsvöllur	Eigendaskipti
19	Ölfus v/leiksvæðis Eyjahrauni	815 Þorlákshöfn	Ný starfsemi
20	Ölfus v/ leiksvæðis Setbergi	815 Þorlákshöfn	Ný starfsemi
21	Ölfus v/ leiksvæðis Oddabraut	815 Þorlákshöfn	Ný starfsemi
22	Vatnsveita Rangárþings ytra og Ásahrepps	850 Hella	Eigendaskipti
23	Rangá ehf.	850 Hella	Endurnýjun
24	Listasafn Árnesinga	810 Hveragerði	Ný starfsemi
25	Byggingarfélagið Árborg	800 Selfoss	Endurnýjun
26	Gámastöð Selfoss	800 Selfoss	Endurnýjun
27	Loðdýrabúið Ásgerði	845 Flúðir	Ný starfsemi
28	Rúna og Björgvin ehf. -loðdýrabú Torfastöðum	801 Selfoss	Ný starfsemi
29	Bjarni Stefánsson v/loðdýrabús Túni	801 Selfoss	Ný starfsemi
30	Atlantsolía Hveragerði	810 Hveragerði	Ný starfsemi
31	Sveitarfélagið Árborg v íþróttasvæðis	800 Selfoss	br.á starfsemi

Öll starfsleyfin samþykkt nema umsóknir nr. 27-30 einungis samþykktar með fyrirvara um jákvæða úttekt heilbrigðisfulltrúa.

b) Tóbakssöluleyfi

Nr.	Nafn	Póstfang	Tóbakssöluleyfi
1	Kráin	900 Vestmannaeyjar	Nýtt leyfi

Lagt fram til upplýsinga

c) Flugklúbbur Selfoss.

Lögð fram afgreiðsla sveitarfélagsins Árborgar dags. 15. nóvember sl. vegna erindis HES um hávaðatakmarkanir fyrir Flugklúbb Selfoss. Þar kemur fram að Bæjarráð Árborgar samþykki tillögur HES um hávaðatakmarkanir vegna starfsemi flugvallarins.

Samþykkt að auglýsa starfleyfisskilyrðin sbr. reglur þar um. Ennfremur er framkvæmdastjóra falið að upplýsa sveitarfélagið um gang mála.

d) Leikskólinn Bergheimar – elsta stig.

Farið yfir málefni leiksskólans Bergheima, elsta stigs en tímabundið starfsleyfi rann út 2. desember sl. Ennfremur lagðar fram upplýsingar úr eftirliti

14. desember sl.

Heilbrigðisnefnd Suðurlands felur framkvæmdstjóra að vinna að málinu í samræmi við lög og reglur þar að lútandi.

2) Gjaldskrár.

a) Breyting á gjaldskrá nr. 1190/2006 um sorphirðu í sveitarfélaginu Árborg. Samþykkt án athugasemda.

b) Gjaldskrá um hundahald í sveitarfélaginu Árborg.

Samþykkt án athugasemda.

3) Gangur eftirlits.

a) Reglubundið eftirlit.

Elsa Ingjaldsdóttir gerði grein fyrir gangi reglubundins eftirlits og líklega stöðu þess um áramót.

b) Málaskrá.

Elsa Ingjaldsdóttir fór yfir málaskrá HES.

4) Úrskurður úrskurðarnefndar um tóbaksreykingar.

Lagður fram úrskurður úrskurðarnefndar um hollustuhætti og mengunarvarnir dags. 15. nóvember sl. er varðar bann við reykingum í húsnæði AA samtakanna í Vestmannaeyjum. Elsa Ingjaldsdóttir gerði frekari grein fyrir helstu atriðum hans.

5) Einstök mál.

a) Klórslys í sundlaug Hveragerðis og endurnýjun starfsleyfis.

Lagt fram bréf HES dags. 7. desember sl. ásamt minnispunktum HES um málið. Ennfremur lögð fram starfsleyfisumsókn vegna endurnýjunar starfsleyfis fyrir sundlaugina.

Heilbrigðisnefnd Suðurlands ítrekar athugasemdir til fyrirtækisins settar fram í bréfi embættisins dags 7. desember þar sem m.a. kemur fram að ekki er hægt að afgreiða starfsleyfi sundlaugar Laugaskarðs nema að frekari upplýsingar um fráveitumál liggi fyrir.

b) Olíuslys A-Landeyjum.

Lagðir fram til upplýsinga minnispunktar HES er varða mengunarslys á Austur- Landeyjavegi. Málinu telst lokið.

c) Kvörtun vegna slæmrar umgengi og svar HES.

Lagt fram afrit af bréfi Unnar Halldórsdóttur til Umhverfisráðherra dags. 20. nóvember sl. ásamt svarbréfi HES dags. 22. nóvember sl. – Til upplýsinga

d) Höllin, Vm.

Lagt fram bréf Umhverfisráðuneytisins dags. 9. desember sl. þar sem óskað er eftir umsögn á erindi eiganda Hallarinnar, Vestmannaeyjum þar sem sótt er um undanþágu frá starfsleyfi til 1. mars 2008 sbr. afrit af bréfi dags. 30. nóvember sl. Einnig greindi formaður frá fundi með aðilum máls 21. nóvember sl. í Höllinni.

Eftirfarandi bókað:

,,Á fundi sem bæjarstjóri boðaði til og haldinn var í Höllinni þann 21. nóvember með Umhverfisráðuneyti, Sýslumanni, rekstaraðilum Hallarinnar, bæjarstjóra og framkvæmdastjóra og formanni HES var farið yfir málefni staðarins. Það er túlkun HES á niðurstöðu fundarins að ætlunin hafi verið hjá eigendum/rekstaraðilum að kalla til heilbrigðisfulltrúa vegna stillingar á hljóðvaka og lækkun á honum til að ná ásættanlegri mæliniðurstöðu í íbúðabyggð. Var það skilningur fundarmanna HES að slíkt skyldi gert fyrir hugsanlega hávaðaviðburði í Höllinni enda myndi HES mæla hávaða við slíka viðburði eftir stillingu, til að meta árangur. Meðfylgjandi beiðni eigenda Hallarinnar nú, felur ekki í sér að umrædd stilling/lækkun verði gerð fyrir þessi tvö böll heldur einungis gert ráð fyrir að HES mæli þegar böllin eru haldin.

Ekkert bendir því til þess að staða málsins sé öðruvísi nú en áður enda hafa ekki verið gerðar neinar úrbætur/aðgerðir til hugsanlegs lækkunar á hávaða frá húsnæðinu.

Með vísun í ofannefnt getur Heilbrigðisnefnd Suðurlands því ekki fallist á að umrædd undanþága verði veitt nema hljóðvaki verði stilltur í samræmi við ofangreint.”

e) Lýsi hf.

Lagður fram úrskurður Umhverfisráðuneytisins dags. 11. desember 2007 um útgáfu starfsleyfis til handa Lýsi hf. í Þorlákshöfn. Í úrskurðinum er staðfest ákvörðun Heilbrigðisnefndar Suðurlands um útgáfu starfsleyfis fyrir Lýsi hf. með tveimur breytingum, annars vegar um að krafa um uppsetningu þvottaturna til mengunarvarna skuli háð afgreiðslu skipulags- og byggingaryfirlvalda og hins vegar að starfsleyfið skuli útgefið til 18 mánaða.

Framkvæmdastjóra falið að laga starfsleyfiskilyrði fyrirtækisins í samræmi við ofangreindan úrskurð.

f) Prófasturinn, Vm.

Lagt fram bréf HES, dags. 12. desember vegna eftirlits HES með starfseminni. fram kom að fyrirtækinu hefur verið veitt áminning og munu starfsmenn HES fylgja málinu eftir.

6) Annað.

a) ESA úttekt.

Sigrún Guðmundsdóttir gerði grein fyrir ESA úttekt á HES varðandi eftirlit með neysluvatni sem fram fór 6. des. í Vestmannaeyjum. Niðurstöður úttektar hafa ekki borist.

b) Eftirlitsáætlun 2008.

Sigrún Guðmundsdóttir fór yfir eftirlitsáætlun 2008 í matvælaeftirliti.

Fleira ekki gert og fundi slitið kl. 15.15.

Næsti fundur ákveðinn 22. janúar kl 13.00

Jón Ó. Vilhjálmsson
Ragnhildur Hjartardóttir
Pétur Skarphéðinsson

Guðmundur G. Gunnarsson
Viktor Pálsson
Elsa Ingjaldsdóttir